काठमाडौं । प्रधानमन्त्री केपि शर्मा ओलीले लिएको पद तथा गोपनीयताको शपथ बदर गर्न माग गर्दै सर्वोच्च अदालतमा चारवटा रिट परेको छ । राष्ट्रपतिले वाचन गरेको शपथ भन्दा प्रधानमन्त्री ओलीले फरक शपथ लिएको भन्दै उक्त शपथ बदर गराउन माग गर्दै रिट दायर गरेका हुन् ।
सोमबार वरिष्ठ अधिवक्ता चन्द्रकान्त ज्ञवालीसमेत, अधिवक्ता राजकुमार सुवाल, अधिवक्ता सन्तोष भण्डारीसमेत र अधिवक्ता नवराज अधिकारीसमेतले सर्वोच्च अदालतमा छुट्टाछुट्टै रिट दर्ता गराएका हुन् । रिटमा प्रधानमन्त्रीले लिएको शपथ बदर गराएर फेरि शपथ गराउन र फेरि शपथ नगरी कामकाज गर्न नदिन आदेश माग गरिएको छ ।
