काठमाडौँ । श्रीलंकामा जारी एसीसी इमर्जिङ टिम्स एसिया कपको उपाधिका लागि पाकिस्तान ए ले भारत ए लाई ३५३ रनको लक्ष्य दिएको छ ।
कोलम्बोस्थित आर प्रेमदाशा मैदानमा जारी फाइनल खेलमा टस हारेर पहिले ब्याटिङ थालेको पाकिस्तानले निर्धारित ५० ओभरमा ८ विकेटको क्षतिमा ३५२ रन जोडेको हो ।
पाकिस्तानका तयाव ताहिरले १०८ रनको शतकीय इनिङ्स खेले । ७१ बल खेलेका उनले १२ चौका र ४ छक्का प्रहार गरे । यस्तै, शहिबजादा फरहानले ६२ बलमा ६५, सइम अयुबले ५१ बलमा ५९, मुबसिर खानले ४७ बलमा ३५ रनको योगदान दिए । यस्तै, मोहम्मद वसिम ५ बलमा १० रनमा तथा सुफियान मुकिम ६ बलमा ३ रनमा अविजित रहे ।
बलिङतर्फ भारतका राजवर्धन हंगारगेकर र रियान परागले दुई–दुई लिए भने हर्षित राणा, निषान्त सिन्धु, मानव सुथरले एक–एक विकेट लिए ।
