काठमाडौँ । सर्वोच्च अदालतबाट थुनामुक्त हुने भनी आदेश पाएका सञ्चार सचिव कृष्णबहादुर राउतले आइतबारदेखि मन्त्रालयमा हाजिर हुन र कामकाज गर्न पाउने भएका छन् ।
सर्वोच्च अदालतको आदेशपछि थुनामुक्त भएका सचिवको निलम्बन समेत फुकुवा भएको हो ।
भ्रष्टाचार बाहेक अरु फौजदारी अभियोगमा मुद्दा दायर भएको खण्डमा पनि निजामती कर्मचारी निलम्बनमा पर्दैनन् । अदालतले पुर्पक्षका लागि थुनामा पठाउने आदेश गरेपछि मात्रै निलम्बन प्रक्रियाको थालनी हुन्छ ।
