काठमाडौँ । क्वालालाम्पुर–भैरहवा–काठमाडौँ उडानका क्रममा मलेसियामा नेपाल एयरलाइन्सको उडान डिले भएपछि छानबिन समिति गठन गरिएको छ ।
निगमको आरए ४२२ उडान भर्नु अगाडि ९एन–एकेडब्यू जहाजको क्रू अक्सिजन बोतलको प्रेसर कम भएको र त्यसको जोहो हुन नसक्दा उडान रोकिएको बताइएको छ ।
यद्यपि अहिले यसको व्यवस्था भइसकेको र जहाज उड्ने क्रममा रहेको निगमले उल्लेख गरेको छ ।
निगमले के कारणले यस्तो प्राविधिक समस्या आएको हो र भविष्यमा यो समस्या दोहोरिन नदिन के गर्नुपर्छ भन्नेबारे सुझाव दिन एक छानबिन समिति गठन गरी कारबाही प्रक्रिया अगाडिीबढाएको बताएको छ ।
कम्पनीले उडान ढिला भएको प्रति यात्रुसँग माफी माग्दै आगामी दिनमा यस्तो नहुने बताएको छ ।
