काठमाडौँ । राष्ट्रिय सभाका माननीय उपाध्यक्ष उर्मिला अर्यालले आर्थिक बर्ष २०७९/८० को सम्पत्ति विवरण बुझाएकी छन् ।
उपाध्यक्ष अर्यालले आज सचिवालयको सांसद सुविधा व्यवस्थापन शाखामा गएर सम्पत्ति विवरण बुझाएकी हुन् ।
उनले बुझाएको सम्पत्ति विवरणको दर्ता नं. १ रहेको छ । उपाध्यक्ष उर्मिला अर्यालले गरी बुझाएको आर्थिक बर्ष २०७९/८० को सम्पत्ति विवरण यस प्रकारको छ:
१. घर जग्गा
क. प्युठान न.पा वडा नं ४ मा घडेरी २ रोपनी श्रीमान यमबहादुर थापाको नाममा रहेको (स्रोत पैतृक) ।
ख. प्युठान न.पा वडा नं ४ मा जग्गा १३ रोपनी श्रीमान यमबहादुर थापाको नाममा (स्रोत पैतृक) ।
ग. पर्सा विरगञ्ज महानगरपालिका वडा नं १४ मा जग्गा ३ कठ्ठा ८ धुर श्रीमान यमबहादुर थापाको नाममा रहेको स्रोत श्रीमानको र आफ्नो आयबाट खरिद गरिएको ।
घ. बुढानिलकण्ठ नगरपालिका वडा नं ४ मा १८ आना घडेरी रु ४ करोडमा किनेको । स्रोत बालकोटको घर जग्गा बेचेको पैसा र सावल सहकारी संस्थाबाट रु २ करोड ५३ लाख ऋण लिएर खरिद गरेको ।
गरगहना
क. सुनको गहना १२ तोला स्रोत दार्इजो बापत प्राप्त ।
ख. हिराको गहना १ सेट स्रोत दार्इजो बापत प्राप्त ।
ग. निलमको गहना १ सेट स्रोत दार्इजो बापत प्राप्त ।
घ. चाँदी अन्दाजी ३०० तोला स्रोत स्वआर्जन र श्रीमानको आर्जनबाट किनेको र दार्इजो तथा उपहार वापत प्राप्त समेत ।
नगद तथा बैंक मौजदात
एभरेष्ट बैंक र राष्ट्रिय बाणिज्य बैकमा गरेर जम्मा ७४०००।–
धितोपत्र, शेयर
१. एभरेष्ट बैंकको ४०० कित्ता साधारण शेयर ।
२. साहस उर्जा कम्पनी लि. २५० कित्ता साधारण शेयर ।
३. अन्य विभिन्न कम्पनीहरुको ३०० कित्ता साधारण शेयर ।
४।.हिमालयन उर्जा कम्पनीको २८००० कित्ता साधारण शेयर श्रीमान यमबहादुर थापाको नाममा रहेको ।
शेयर खरिदको स्रोत स्वआर्जन र श्रीमानको आर्जनबाट विभिन्न समयमा खरिद गरिएको ।
ऋण लिएको र तिरेको
२०७० सालमा बुढानिलकण्ठ न.पा.वडा नं ४ मा जग्गा खरिद गर्न सावल सहकारी संस्थाबाट २ करोड ५३ लाख ऋण लिएकोमा विरगञ्जमा २ कठ्ठा जग्गा, भक्त्तपुर चाँगुनारायणको १ रोपनी, दुवाकोटको १० आना जग्गा बेचेर २ करोड ३० लाख ऋण तिरेको र २३ लाख ऋण तिर्न अझ बाँकी ।
विविध
ल्यापटप -१ थान, टिभी – ३ थान लगायत फर्निचरका सामानहरु आफ्नो र श्रीमानको आम्दानीबाट खरिद गरिएको ।
