काठमाडौँ । गैर आवसिय नेपाली संघ एनआरएनए अमेरिकाको सचिवमा इन्जिनियर विश्व सुवेदी (बास बिस्सु)ले उम्मेदवारी घोषणा गरेका छन् ।
एनआरएनए एनसिसि युएसको २०२३–२०२५ कार्यकालको सचिव पदका लागि तनहुँका सुवेदीले उम्मेदवारी दिने भएका हुन् । तनहुँको भिमाद नगरपालिका –६ निवासी सुवेदी अध्ययनको सिलसिलामा अमेरिका पुगेका बिगत १३ वर्ष देखि प्रोफेसनल इन्जिनीरिङ र आईटीका काममा व्यस्त रहेका छन् ।
समाजसेवी तथा सहयोगिको छवि बनाएका उनी विषेश गरि युवापुस्ताहरुलाई हरेक क्रियाकलापमा अगाडी बढाउनुपर्छ भन्ने धारणासहित युवापुस्तामा लोकप्रिय छन् ।
तनहुँ घर भएर पोखरामा अध्ययन गरेका सुवेदिकै नेतृत्वमा हरेक वर्षको जुलाई ४ को स्वतन्त्र दिवस पारेर तिन दिने वीकेंडमा नेपलिज अमेरिकन कन्भेन्सनको २०१६ देखि आयोजना गर्दै आएका छन् ।
उक्त कन्भेन्सनमा विशेष गरि युवावर्गहरुलाई समेटिने खेलकुद र खेलकुदमा पनि फुटबलको आयोजना हुने गर्दछ । गत हप्ता मात्रै टेक्सासको डल्लासमा आयोजना भएको छैठौ नेपलिज अमेरिकामा कन्भेन्सन भव्यताका साथ् सम्पन्न गराउन उनको महत्वपूर्ण भूमिका थियो ।
२०१३ मा सुवेदीले एफ वान ग्रुप खडा गरेर अमेरिकाभरि रहेका विद्यार्थी भिसामा आएकाहरुलाई ११०० डलरका दरले ६ जना विद्यार्थी लाइ छात्रवृति प्रदान गरिएको थियो । उक्त एफ वान ग्रुप ले त्यसपछि नेपालका विद्यालयमा पुस्तक, ल्यापटप आदि प्रदान गरेको थियो ।
२०७२ को महाभूकम्पताका ब्यास बिस्सु छुट्टिको समएमा नेपाल मै थिए । भुकम्पको भोलिपल्ट नै स्थानिय युवा क्लब भिमादसँगको सहकार्यमा आफ्नो नेतृत्वमा एक महिना राहत वितरणमा उनी सरिक भए ।
भुकम्पले क्षतिग्रस्त जिल्लाहरुमा राहत बाड्ने काममा अग्रसर रहेका सुवेदीले भूकम्पले बढी क्षति पुर्याएको गोरखाको तत्कालित तान्द्रंग गाविसमा रहेको भूकम्पले भत्काएको विद्यालय भवन पुनः निर्माण गरेका थिए ।
भूकम्पको राहत बाँडेर अमेरिका फर्किएलगत्तै, मिस नेपाल क्यालिफोर्निया कार्यक्रम आयोजना गरी त्यसबाट जम्मा भएको २३ लाखको लागतमा, गोरखामा ५ कोठे भवन बनाएका थिए ।
कला, चलचित्र क्षेत्रमा समेत रुची राख्ने सुवेदीले अमेरिकामा रहेका नेपाली हरुको जीवन, विशेष गरि बिद्यार्थीहरुको विषयलाई लिएर गत वर्ष ‘लाइफ इन एलए’नामक नेपाली चलचित्र निर्माण गरेका थिए । उक्त चलचित्र नेपालसहित अमेरिकाकोे विभिन्न शहरमा भव्यताका साथ प्रदर्शन भएको थियो ।
