काठमाडौँ । प्रतिनिधिसभाका सभामुख देवराज घिमिरेले लम्पी स्किनको रोकथामका विषयमा सदनलाई जानकारी गराउन रुलिङ गर्नुभएको छ ।
सांसदहरुले पशु चौपायामा महामारीको रुपमा फैलिएको लम्पी स्किनबारे सरकारको ध्यानाकर्षण गराउँदै सरकारको जवाफ माग गरेपछि सभामुख घिमिरेले सरकारले त्यसबारे गरेको काम कारबाहीको बारेमा सदनलाई जानकारी दिन रुलिङ गर्नुभएको हो ।
लम्पी स्किनले देशभरका किसानलाई ठूलो क्षति पुर्याएको भन्दै सांसदहरुले गाउँ–गाउँमा प्राविधिक पठाउन र खोपको प्रबन्ध मिलाउन माग गर्नुभएको थियो ।
