काठमाडौँ । प्रधानमन्त्री पुष्पकमल दाहाल पत्नी स्व. सीता दाहालको पार्थिव शरीर अन्तिम श्रद्धाञ्जलीका लागि नेकपा (माओवादी केन्द्र) को पार्टी कार्यालय पेरिस डाँडामा राखिएको छ ।
बुधवार बिहान उपचारका क्रममा नर्भिक अस्पतालमा ८:३३ बजे निधन भएको हो । उहाँलाई अन्तिम श्रद्धाञ्जली दिन राजनीतिक दलका नेताहरु, विशिष्ट व्यक्तित्वहरु पुगेका छन् ।
पार्किन्सन जस्तो देखिने एक जटिल प्रकारको रोग ‘प्रोग्रेसिभ सुपरान्युक्लियर पाल्सी (पी.एस.पी.)’ बाट पीडित दाहाल लामो समयदेखि बिरामी हुनुहुन्थ्यो । आज भने हृदयाघात भएपछि बिहान ८ बजे अस्पताल पुर्याइएको थियो ।
आकस्मिक कक्षमा सीपीआर लगायतका विधिबाट उपचार गरिएको थियो । उहाँको पार्थिव शरीर श्रदाञ्जलीका लागि ११ देखि १ बजेसम्म पार्टी केन्द्रिय कार्यालय पेरिसडाँडामा राखिने छ भने दिउँसो २ बजे पशुपति आर्याघाटमा अन्तिम संस्कार गरिनेछ ।
