काठमाडौं । नेकपा (माओवादी केन्द्र) का प्रमुख सचेतक हितराज पाण्डेले प्रधानमन्त्री पुष्पकमल दाहाल ‘प्रचण्ड’ले आफ्नो पदबाट राजीनामा दिने कुरा कल्पना समेत गर्न नसकिने बताएका छन् ।
बालुवाटारमा बसेको सत्ता गठबन्धनको बैठकपछि सञ्चारकर्मीहरूसँग बोल्दै सचेतक पाण्डेले यसबारे प्रधानमन्त्रीले सदनमा जवाफ दिने जानकारी दिए ।
सचेतक पाण्डेले प्रमुख प्रतिपक्षी दल नेकपा एमालेले प्रधानमन्त्रीको राजीनामाको पछि लाग्नु ठीक नभएको बताउदै भने, ‘प्रधानमन्त्रीले राजीनामा दिने कुरा कल्पना पनि गर्न सकिँदैन । उहाँले के भन्नुभएको भन्नेबारे संसदमा आफ्नो विषयवस्तु राख्नुहुन्छ । त्यो उहाँले धेरै वर्षको कुरा गर्नुभएको हो । अहिले त्यसलाई अघि बढाउन मिल्दैन ।’
सरकार मिटरव्याजपीडित र भ्रष्टाचारविरुद्ध उभिएपछि एमालेले प्रधानमन्त्रीको राजीनामा मागेको उनले आरोप लगाए
