काठमाडौँ । सरकारले ७७ वटै शिक्षा विकास तथा समन्वय एकाइ र स्थानीय तहहरूलाई पत्राचार गर्दै १२ वर्षमुनिका विद्यार्थीलाई आलोपालो गरेर पठनपाठनको व्यवस्था मिलाउन आग्रह गरेको छ ।
शिक्षा, विज्ञान तथा प्रविधि मन्त्रालयले १२ वर्ष पूरा भएका विद्यार्थीका हकमा नियमितरूपमा तथा त्यसभन्दा मुनिकालाई विज्ञार्थी सङ्ख्याका आधारमा आलोपालो गरी भौतिक उपस्थितिमा कक्षा चलाउन अनुरोध गरेको छ ।
कक्षा सञ्चालन गर्ने व्यवस्थाका लागि मन्त्रालयको विद्यालय शिक्षा मापदण्ड निर्धारण महाशाखाले गृह मन्त्रालय र शिक्षा, विज्ञान तथा प्रविधि मन्त्रालयलाई सिफारिस गरेको थियो । सोही सिफारिसका आधारमा कार्यान्वयनका लागि आवश्यक व्यवस्था मिलाउन आग्रह गरिएको हो ।
