काठमाडौं । मंगलबार जिप दुर्घटनामा ज्यान गुमाएका सुदूरपश्चिमका आन्तरिक मामिला तथा कानुन मन्त्री पृथ्वीबहादुर सिंहको पार्थिव शरीर धनगढी ल्याइएको छ । मन्त्री सिंहको अन्तिम श्रद्धाञ्जलीका लागि पार्थिव शरीरलाई धनगढीको कर्भड हलमा राखिएको छ ।
प्रदेशसभाका मुख्यमन्त्री कमल बहादुर शाह, सभामुख भीमबहादुर भण्डारी, प्रदेश सरकारका मन्त्री, विभिन्न राजनीतिक दलका नेताहरू, प्रदेशसभा सदस्यहरू, स्थानीय तहका जनप्रतिनिधिहरूले सिंहलाई श्रद्धाञ्जलीका दिएका छन् । मन्त्री सिंहको पार्थिव शरीरलाई आजै बझाङ लैजाने तयारी भइरहेको छ ।
आन्तरिक मामिला तथा कानुन मन्त्रीमा नियुक्त भएको ३०औं दिनमा पहिलो पटक गृह जल्ला बझाङ जाने क्रममा सिंह सवार सुपप्र ०१००१ झ ४८० नम्बरको गाडी बझाङको केदारस्युँ गाउँपालिकामा दुर्घटना भएको थियो ।
दुर्घटना लगत्तै उपचारका लागि हेलिकप्टरबाट नेपालगन्ज मेडिकल कलेज पुर्याइएका सिंहलाई अस्पतालले मृत घोषणा गरेको थियो । दुर्घटनामा मन्त्री सिंहसँगै पत्नी अमृता सिंह र भाउजू जयादेवी सिंहको पनि मृत्यु भएको थियो ।
प्रदेश सरकारले आज प्रदेशभर शोक बिदा दिएको छ ।
