कैलाली । बझाङमा जीप दुर्घटना हुँदा सुदूरपश्चिम प्रदेशका आन्तरिक मामिला तथा कानुनमन्त्री पृथ्वीबहादुर सिंहकी श्रीमती र भाउजूको मृत्यु भएको छ ।
डडेल्धुराबाट बझाङ सदरमुकाम चैनपुर आउने क्रममा मन्त्री सिंह चढेको सुपप्र. ०१००१ झ ४८० नम्बरको गाडी दुर्घटनामा परी श्रीमती अमृता सिंह र भाउजू जयादेवीको मृत्यु भएको हो ।
उक्त जिपमा सवार पाँच जनामा मन्त्री सिंहसहित उनका पीएसओ दीपक भण्डारी र चालक धर्मराज जोशी गरी तीनलाई थप उपचारका लागि हेलिकप्टरले उद्धार गरिएको केदारस्युँ गाउँपालिकाका १ का वडाध्यक्ष वीरबहादुर भण्डारीले जानकारी दिए । मन्त्री सिंह र पीएसओ भण्डारीको अवस्था गम्भीर रहेको छ भने चालकको अवस्था साधरण रहेको छ।
