• ९ जेष्ठ २०८१, बुधबार
  •      Wed May 22 2024
  •   Unicode
Logo
Latest
★   कांग्रेसको केन्द्रीय कार्यसमिति र संसदीय दलको संयुक्त बैठक जारी ★   बजेट अभावमा खानेपानी आयोजना अधुरै ★   ‘पुजार सार्की’को नौलो प्रयोग: जनतामाझ पुगेर गरियो सर्भे, रिलिज अगावै देखाइयो फिल्म ★   ‘वेलकम टु द जंगल’बाट अलग भए सञ्जय दत्त ★   कैलाश सिरोहिया पक्राउप्रति नेपाल मिडिया सोसाइटीको बिरोध ★   संसारको सबैभन्दा शान्त ठाउँ, जहाँ सुल्तानदेखि भिखारीसम्मका शव गाडिन्छन् ★   जलवायु परिवर्तनका अप्रत्याशित घटना र असर सामूहिकरूप सामना गरौँ: मन्त्री सुडी ★   नाफामूलक निजी व्यवसाय गर्ने व्यक्ति र समाचार लेख्ने श्रमजीवी पत्रकार एकै होइनन्: राष्ट्रिय स्वतन्त्र पार्टी ★   पर्वतीय क्षेत्रलाई जलवायु परिवर्तनको असरबाट जोगाऔँ: मुख्मन्त्री अधिकारी ★   काभ्रेपलाञ्चोकमा दम्पती मृत फेला

ए डिभिजन लिगः मछिन्द्रद्वारा च्यासल पराजित



काठमाडौं । सहिद स्मारक ‘ए’ डिभिजन लिग फुटबल अन्तर्गत शीर्ष स्थानको मछिन्द्र फुटबल क्लबले जित निकालेको छ ।

शनिबार दिउँसो भएको खेलमा मछिन्द्रले च्यासल युथ क्लबलाई २–० गोल अन्तरले पराजित गरेको हो ।

मछिन्द्रलाई जित दिलाउन विमल घर्तिमगर र सुनिल बलले एक–एक गोल गरे । मछिन्द्रको दुबै गोल पहिलो हाफमा सम्झव भएको थियो । 

खेलको १६ औं मिनेटमा विमलले गोल गर्दै मछिन्द्रलाई १–० गोलको अग्रता दिलाए । रञ्‍जित धिमालको कर्नरमा विमलले हेडमार्फत उत्कृष्ट गोल गरे ।

२४ औं मिनेटमा मछिन्द्रका सुनिल बलको फ्रि–किकलाइै च्यासलका गोलकिपर प्रदिप भण्डारीले पन्च गरी बाहिर फाले । सुनीलले लेफ्ट कर्नरमा सानदार प्रहार गरेका थिए । 

खेलको ३४ औं मिनेटमा सुनिलले गोल गर्दै मछिन्द्रलाई २–० को अग्रता दिलाए । विमलले उपलब्ध गराएको पासलाई उनले गोलमा परिणत गरे । 

३९ औं मिनेटमा च्यासलका मौसा अबागानाको डी–बक्सबाहिरबाट गरेको उत्कृष्ट प्रहार मछिन्द्रका गोलकिपर विशालले उत्कृष्ट सेभ गरे ।

खेलको ५१ औं मिनेटमा मछिन्द्रका विमलको प्रहार पोस्टमा लागेर फर्किएको थियो । च्यासलका गोलकिपर अगाडि आएको समयमा बिमलले प्रहार गरेका थिए । 

६६ औं मिनेटमा मछिन्द्रका मिडफिल्डर मनिष डाँगी गम्भीर घाइते बने । च्यासलका यानिक केचासँग जुध्न पुग्दा उनी मैदानमा लडेका थिए । उनलाई तत्काल मैदानमै सीपीआर दिईएको थियो। 

७६ औं मिनेटमा मछिन्द्रका बिमलले दिएको बललाई विशाल राई वान भर्सेस वानमा गोल गर्न चुके । 

जितसँगै शीर्षस्थानमा रहेको मछिन्द्रले १० खेलमा २६ अंक जोडेको छ । यता, च्यासल १० खेलमा ५ अंकसहित पुछारमा रहेको छ । 

मछिन्द्रका बिमल घर्तिमगर म्यान अफ दी म्याच बन्दा च्यासलका प्रदीप भण्डारी इमर्जिङ प्लेयर चुनिए ।