काठमाडौँ । नेकपा एमालेका अध्यक्ष केपी शर्मा ओली र नेकपा एकता अभियानको संयोजक वामदेव गौतमबीच भेटवार्ता भएको छ । ओलीलाई भेट्न आइतबार गौतम च्यासलस्थित एमाले मुख्यालय पुगेका हुन् ।
एमालेले ७० वर्षे उमेर हद हटाएपछि गौतमलाई एमाले फर्किन बाटो खुला भएको छ । एमालेले सो प्रावधान हटाएपछि गौतमले आफ्नो पार्टी सदस्यता पनि एमालेमै रहेको प्रतिक्रिया दिएका थिए ।
समाजवादी मोर्चा घोषणाको तयारी गरेका नेकपा माओवादी केन्द्र, जनता समाजवादी पार्टी, नेकपा एकीकृत समाजवादीले नेता गौतमलाई मोर्चामा ल्याउने तयारी गरिरहेको बेला गौतम ओलीलाई भेट्न एमाले पार्टी कार्यालय पुगेका हुन् ।
