काठमाडौँ । प्रधानमन्त्री पुष्पकमल दाहाल प्रचण्डका प्रेस सल्लाहकार मनहरि तिमिल्सिनाले जहाँ प्रचण्ड त्यहाँ विश्वासको बलियो आधार निर्माण हुने बताउनुभएको छ ।
सामाजिक सञ्जाल फेसबुकमा उहाँले प्रचण्ड सहभागी कार्यक्रममा सहमतिका दुई सुखद समाचार भएको भन्दै प्रधानमन्त्री प्रचण्ड भएको स्थानमा सहमति, सहकार्य र एकताको ढोका खुल्छ भन्ने तथ्य फेरि एकपटक प्रमाणित भएको उल्लेख गर्नुभएको छ।
तिमिल्सिनाका अनुसार प्रधानमन्त्री प्रचण्डको रोहबरमा विभिन्न समूहमा विभाजित गैरआवासीय नेपाली संघबीच बालुवाटारमा सहमति भई एनआरएन एकढिक्का भएको छ।
त्यसैगरी नेकपा (माओवादी केन्द्र), नेकपा (एकीकृत समाजवादी), जनता समाजवादी पार्टी, नेपाल कम्युनिस्ट पार्टी लगायतका शक्तिबीच समाजवादी मोर्चा निर्माणमा सहमति जुटेको छ।
उहाँले लेख्नुभएको छ, “जहाँ प्रचण्ड, त्यहाँ विश्वासको बलियो आधार निर्माण हुन्छ, सहमति, सहकार्य र एकताको ढोका खुल्छ भन्ने तथ्य फेरि एकपटक प्रमाणित भएको छ।”
