काठमाडौँ । राष्ट्रपति रामचन्द्र पौडेलको स्वास्थ्य अवस्था स्थिर रहेको मनमोहन कार्डियोथोरासिक भास्कुलर तथा ट्रान्सप्लान्ट सेन्टरले जनाएको छ ।
अस्पतालले आइतबार बिहान १०:४५ बजे बुलेटिन निकाल्दै शनिबार बिहान भर्ना हुनुभएका राष्ट्रपति पौडेलको मुटुको चालको निगरानी भइरहेको र अहिले उहाँको अवस्था स्थिर रहेको बताएको छ ।
यसअघि राष्ट्रपति पौडेल मुटुमा समस्या देखिएपछि जेठ ३० गते शहीद गंगालाल हृदयरोग केन्द भर्ना हुनुभएको थियो ।
केन्द्रमा नियमित स्वास्थ्य परीक्षण तथा उपचार गरी २४ घण्टा अवलोकनमा रहनुभएका उहाँ जेठ ३१ गते बिहान डिस्चार्ज हुनुभएको थियो ।
