काठमाडौँ । एसिसी पुरुष प्रिमियर कप क्रिकेट प्रतियोगिता अन्तर्गत युएईले सिंगापुरविरुद्ध सानदार जित निकालेको छ ।
कीर्तिपुरस्थित त्रिभुवन विश्वविद्यालयको क्रिकेट मैदानमा सम्पन्न खेलमा ४७२ रनको विशाल लक्ष्य पछ्याएको सिंगापुरले निर्धारित ५० ओभरमा ९ विकेटको क्षतिमा २७० रनमात्रै बनाउन सक्यो ।
सिंगापुरका लागि मनप्रित सिंहले ६६ रनको अर्धशतकीय इनिङ्स खेले । ६४ बल खेलेका उनले ५ चौका र ४ छक्का प्रहार गरे । थिलिपन ओमाइदुराईले ५६ बलमा ५२ रनको अर्धशतकीय इनिङ्स खेले । यस्तै, अरित्र दत्त र सुरेन्द्रन चन्द्रमोहनले समान ३८र३८, विनोथ भास्करनले १८, अब्दुल रहमान भदेलियाले १६ रन जोडे ।
युएईको बलिङतर्फ आयान अफजल खान, कार्तिक मियप्पन र सञ्चीत शर्माले दुई–दुई विकेट लिँदा रोहन मुस्ताफा, जुनैद सिद्धिकी र जहुर खानले एक–एक विकेट लिए ।
त्यसअघि टस जितेर पहिला ब्याटिङ रोजेको युएईले निर्धारित ५० ओभरमा सबै विकेट गुमाउँदै चार सय ७१ रनको योगफल तयार गरेको थियो । युवा ब्याटर वृत्य अरविन्दले सर्वाधिक एक सय ७४ रनको योगदान दिए । एक सय ३३ बल खेलेका उनले १७ चौका र सात छक्काको मद्दतमा एक सय ७४ रन जोडेका हुन् ।
त्यसैगरी युएईका कप्तान मोहम्मद वासिमले उक सय ६० रन जोडे । उनले ८२ बलमा नौ चौका र १६ छक्काको मद्दतमा एक सय ६० रन बनाएका हुन् । आयन अफजल खानले ७४ रन बनाए । उनले ५० बलमा नौ चौका तीन३ छक्कासहित ७४ रन बनाएका हुन् ।
यस्तै युवा ओपनर आर्यन लाक्रा सात बलमादुई २ चौकासहित १२ रनमा आउट भए । आसिफ खान ११ तथा रोहन मुस्तफा तीन रनमा आउट भए । बलिङतर्फ सिङ्गापुरका आदित्य भर्गवले चार विकेट लिए भने रमेश कलिमुथुले तीन विकेट हात पारे । त्यस्तै विनोथ भास्करनले दुई विकेट लिदाँ मनप्रित सिंहले एक विकेट लिए ।
