काठमाडौं । त्रिभुवन अन्तर्राष्ट्रिय विमानस्थल क्षेत्रमा पार्किङ भाडा महँगो भएको भन्दै ट्याक्सी चालकहरुले विरोध गरेका छन् ।
नेपाल यातायात स्वतन्त्र मजदुर संगठनको नेतृत्वमा आज ट्याक्सी चालकहरुले त्रिभुवन विमानस्थलबाट सेवा बन्द गरी विरोध गरेका हुन् । विमानस्थल बाहिर भने ट्याक्सीहरु चलिरहेका छन् ।
त्रिभुवन विमानस्थल क्षेत्रमा पहिले पार्किङ शुल्क प्रतिघण्टा २० रुपैयाँ लिएकोमा अहिले ८० रुपैयाँ पुर्याइएको र पुन: १०० रुपैयाँ पुर्याउन आटेको भन्दै ट्याक्सी चालकहरुले विरोध गरेका हुन्।
उनीहरुले यसअघि पनि १३ मंसिरमा विमानस्थलको गेट अगाडि बसेर विरोध प्रदर्शन गरेका थिए । विमानस्थलको जग्गा आईएमएस एयरपोर्ट सर्भिस नामको कम्पनीले भाडामा लिएको छ ।
