काठमाडौँ । आगामी वैशाख १० गते तनहुँ–१ र चितवन–२ मा हुने प्रतिनिधिसभा सदस्यको उपनिर्वाचनमा नेपाली कांग्रेसले दुई महामन्त्रीलाई खटाएको छ ।
तनहुँ १ मा महामन्त्री गगन थापा र चितवन २ मा विश्वप्रकाश शर्माले समन्वयको जिम्मा पाएको बताइएको छ । उहाँहरु सोमबार हुने मनोनयन दर्ता कार्यक्रममा पनि सहभागी हुने र मनोनयन दर्तापछि आयोजित सभालाई सम्बोधन गर्ने कार्यक्रम छ ।
कांग्रेसले तनहुँ–१ मा गोविन्द भट्टराई र चितवन–२ मा जितनारायण श्रेष्ठलाई उम्मेदवार तय गरिसकेको छ । उपनिर्वाचन हुने अर्को क्षेत्र बारा२ मा भने कांग्रेसले जनता समाजवादी पार्टीलाई समर्थन गर्ने निर्णय गरिसकेको छ ।
