काठमाडौँ । राष्ट्रिय प्रजातन्त्र पार्टी (राप्रपा) का महामन्त्री एवं सांसद धवलशमशेर राणाले अहिलेकै संविधानलाई प्रयोग गरेर राजासहितको प्रजातन्त्र ल्याउने प्रयास गरिरहने बताउनुभएको छ ।
आइतबार प्रतिनिधिसभाको बैठकमा उहाँले यही संसद् र संविधान प्रयोग गरेर राजतन्त्र फर्काउने कोशिस गर्ने बताउनुभयो ।
प्रतिनिधिसभाको बैठकमा उपप्रधानमन्त्री तथा गृहमन्त्री नारायणकाजी श्रेष्ठले कुनै पनि कोणबाट, कुनै पनि तर्क दिएर प्राप्त उपलब्धी, राजनीतिक व्यवस्थालाई कमजोर पार्ने र यसप्रति धावा बोल्न नदिन सरकार दृढ रहेको बताएपछि त्यसप्रति टिप्पणी गर्दै राणाले राणाले आफूहरुको राजासहितको प्रजातन्त्र ल्याउने एजेण्डाअनुसार नै अघि बढ्ने जवाफ दिनुभयो ।
“गृहमन्त्रीज्यूले भन्नुभयो– गणतान्त्रिक व्यवस्थालाई संरक्षण गर्ने उहाँको जिम्मेवारी हो त्यो स्वाभाविकै हो”, राणाले भन्नुभयो, “तर हामी आफ्नो यो सदनलाई प्रयोग गरेर संविधानलाई प्रयोग गरेर राजासहितको प्रजातन्त्र ल्याउने प्रयास गरिरहने छौँ ।”
