एजेन्सी । युइएफए च्याम्पियन्स लिग फुटबल अन्तरगत फ्रेन्च क्लब पेरिस सेन्ट जर्मेन (पिएसजी)ले स्पेनिस क्लब रियल मड्रिडलाई पराजित गरेको छ ।
मंगलबार राति भएको प्रि-क्वाटरफाइनलको पहिलो लेगमा पिएसजीले रियललाई १-० गोल अन्तरले पराजित गरेको हो ।
घरेलु मैदानमा खेलको ९०+४ मिनेटमा किलियन एम्बाप्पेले गोल गर्दै पिएसजीलाई जित दिलाए । नेयमारले उपलब्ध गराएको पासमा उनले गोल गरेका हुन् ।
अब दोस्रो लेग रियलको घरेलु मैदानमा ९ मार्चको मध्यरातमा हुनेछ ।
यस्तै, मंगलबार राति नै भएको अर्को खेलमा इंग्लिस क्लब म्यान्चेस्टर सिटीले पोर्चुगिज क्लब स्पोर्टिङ सिपीविरुद्ध सानदार जित निकालेको छ ।
सिटीले स्पोर्टिङलाई उसकै मैदानमा ५-० गोलले पराजित गरेको हो । सिटीलाई जित दिलाउन बर्नार्डो सिल्भाले २ गोल गरे भने रियाद माहरेज, फिल फोडेन र रहिम स्टर्लिङले एक-एक गोल गरे ।
उक्त अवे जितसँगै सिटीले क्वाटरफाइनलमा पुग्ने सम्भावना बलियो बनाएको छ ।
अब दोस्रो लेग सिटीको मैदानमा ९ मार्च राति हुनेछ ।
