काठमाडौँ । आइसिसी विश्वकप लिग–२ त्रिकोणात्मक ओडिआई सिरिज अन्तर्गत पपुपा न्युगिनीविरुद्ध नेपालले टस जितेर पहिला फिल्डिङ गर्ने भएको छ । दुबई इन्टरनेशल क्रिकेट स्टेडियममा टस जितेसँगै कप्तान रोहित पौडेलले पहिला फिल्डिङ गर्ने निर्णय लिएका हुन्।
आजको खेलमा तीव्र गतिका प्रतिश जि.सीले डेब्यू गर्न लागेका छन् । बलर सोमपाल कामीले प्रतिशलाई नेपालको ३७ औं ओडिआई डेब्यू क्याप दिएका हुन् । प्रतिशले नेपालको लागि यू–१९ र यू–१६ टोलीबाट खेलिसकेका छन् ।
नेपाल विश्वकप लिग २ मा २८ खेलमा १२ जित र १४ हारसहित २६ अंकका साथ छैटौं स्थानमा छ । नेपाललाई ओडिआई मान्यता जोगाउन कम्तिमा पनि ५ खेल जित्नुपर्ने हुन्छ । यसैगरी जिम्बावेमा हुने एकदिवसीय विश्वकप छनोट खेल्न नेपाललाई ७ खेल जित्नुपर्ने दबाव रहेको छ ।
पपुवा न्युगिनी २८ खेलमा २ जित र २५ हारसहित ५ अंकका साथ अंकतालिकाको अन्तिममा छ ।
नेपालको प्लेइङ ११:
रोहित पौडेल (कप्तान), दीपेन्द्रसिंह ऐरी, ज्ञानेन्द्र मल्ल, आसिफ शेख, करण केसी, सोमपाल कामी, कुशल भुर्तेल, कुशल मल्ल, गुलशन झा, आरिफ शेख र प्रतिश जि.सी
