काठमाडौँ । भारतीय बुद्धिजीवी एवं नेपाल मामिलाका जानकार एसडी मुनीले आसन्न राष्ट्रपति निर्वाचनका लागि सम्भावित चार उम्मेदवारको नाम सुझाएका छन् ।
मुनीले ट्विट गर्दै देवेन्द्रराज पाण्डे, प्राध्यापक लोकराज बराल, पूर्वसभामुख दमननाथ ढुंगाना र अनुराधा कोइराला राष्ट्रपतिका लागि योग्य रहेको बताएका छन् ।
उनले नेपालमा राष्ट्रिय सहमतिको राष्ट्रपतिको माग जायज रहेको भन्दै आफूले सुझाएका उल्लिखित व्यक्तिहरु राजनीतिक संवेदनशीलता भएका निष्पक्ष र इमान्दार व्यक्तिहरु भएको बताएका छन् ।
उनले यी नामहरुलाई राजनीतिक वृत्तले ध्यान दिनुपर्ने बताएका छन् ।
