काठमाडौँ । नेपाली कांग्रेसका नेता प्रकाशमान सिंहले राष्ट्रपति कांग्रेसबाटै बन्ने दाबी गरेका छन् ।
शुक्रबार राजधानीमा आयोजित एक कार्यक्रममा बोल्दै नेता सिंहले कांग्रेसको राष्ट्रपति उम्मेदवारलाई सबैको समर्थन रहने र अबको राष्ट्रपति कांग्रेसबाटै बन्ने बताएका हुन् ।
शक्ति सन्तुलन मिलाउनका लागि कांग्रेसले अघि सार्ने उम्मेदवारमा राष्ट्रिय सहमति खोजिनुपर्ने नेता सिंहको भनाई छ ।
यस्तै, संसदको पहिलो दल कांग्रेस भएकाले पनि राष्ट्रपतिमा आफूहरूको दाबी स्वाभाविक रहेको उनले जिकिर समेत गरे ।
