काठमाडौँ । प्रहरीको नियन्त्रणमा परेका रुवि खानलगायत अधिकारकर्मीको टोलीलाई छाडिएको छ ।
बाँकेकी निर्मला कुर्मी र नन्कुन्नी धोबीलाई न्यायको माग गर्दै आन्दोलनमा रहेकी खानलगायतलाई प्रहरीले सोमबार नियन्त्रणमा लिएको थियो ।
माइतीघरबाट र्यालीसहित बबरमहलतर्फ अघि बढिरहेका अधिकारकर्मीको टोली बबरमहलस्थित जिल्ला अदालत अगाडिको बाटो हुँदै सिंहदरबारतर्फ अघि बढेका बेला उनीहरुलाई पक्राउ गरिएको थियो ।
उनीहरुले माइतीघरमण्डलाबाट न्यायको माग गर्दै र्याली निकालेका थिए । यसैबीच, अधिकारकर्मी खानले आफूहरुका माग सम्बोधन गर्ने प्रक्रिया पाँच दिनभित्र सुरु नगरे आमरण अनसन बस्ने चेतावनी दिएकी छन् ।
उनीहरुले ‘निर्मला कुर्मी हत्याको घटनामा न्यायिक आयोग गठन गर्नुपर्ने, न्यायिक आयोगमार्फत कुर्मीको तमसुकमा भएको सहीछाप चेक गरिनुपर्ने, मुद्दालाई अदालतसम्म पुर्याइनुपर्ने र महिला आन्दोलनकारीको सुरक्षाको प्रत्याभूति गराउनुपर्ने’लगायतका माग राखेका छन् ।
