काठमाडौँ । लगातार बहुमत नपुगेर निर्वाचित हुन नसकेको सभामुख पद सुदूरपश्चिमले तेस्रो पटकको प्रयासमा पाएको छ । नेकपा (माओवादी केन्द्र) का भीम भण्डारी प्रदेशको सभामुखमा निर्वाचित हुनुभएको छ ।
आज भएको मतदानमा उहाँ २९ मतसहित निर्वाचित हुनुभएको हो । सभामुख पदका अर्का उम्मेदवार मानबहादुर रावलले २३ मत प्राप्त गर्नुभयो । उहाँ नेपाली कांग्रेसबाट सभामुख पदमा उम्मेदवार बन्नुभएको थियो । सुदूरपश्चिम प्रदेशमा कूल ५३ प्रदेशसभा सदस्य छन् । सभामुख पदमा निर्वाचित हुन कम्तीमा २७ मत आवश्यक पर्छ ।
आज भएको मतदानमा ५२ प्रदेशसभा सदस्य सभागी थिए । भण्डारीले माओवादी केन्द्रको ११, नेकपा (एमाले) को १०, नागरिक उन्मुक्ति पार्टीको ७ र राष्ट्रिय प्रजातन्त्र पार्टी ९राप्रपा० को १ मत पाउनुभएको थियो ।
