काठमाडौं । सामाखुसी चोकबाट टोखा जाने सडक खण्डमा पुरुषोत्तम मानन्धरद्वारा सञ्चालित आकाश जोगिनी पेट्रोल पम्पसँगै रहेको टहराहरुमा आगलागी भएको छ ।
घटनामा मानवीय क्षति नभएको र क्षतिको विवरण आउन बाँकी रहेको प्रहरीले जनाएको छ । प्रहरीका अनुसार आगोलागीको कारण खुल्न सकेको छैन ।
आगलागी भएको खबर प्राप्त हुन साथ प्रहरी टोली खटिएको थियो ।प्रहरीका अनुसार काठमाण्डौ महानगरपालीकाबाट- १, बालाजु औद्योगिक क्षेत्रबाट- १, बूढानीलकण्ठ नगरपालीकाबाट- १ र प्रहरीको वाटर क्यानन- १ गरी ४ वटा दमकलहरु र ५ वटा पानी ट्याङ्करहरुसमेत प्रयोग गरी आगलागी नियन्त्रणमा लिइएको थियो ।
नेपाली सेना, नेपाल प्रहरी, सशस्त्र प्रहरी र स्थानीयहरू समेत करिब १७५ जना खटिई आगोलागी पूर्ण नियन्त्रणमा लिइएको प्रहरीले जनाएको छ । घटनाको सम्बन्धमा प्रहरी वृत्त महाराजगञ्जबाट थप अनुसन्धान भई रहेको जनाईएको छ ।
