काठमाडौँ । नेकपा (एकीकृत समाजवादी)का अध्यक्ष माधवकुमार नेपालले नेकपा एमालेसँग अहिलेको अवस्थामा एकता हुन नसक्ने बताएका छन् ।
शुक्रबार संसद भवन नयाँ बानेश्वरमा सञ्चारकर्मीसँग कुरा गर्दै अध्यक्ष नेपालले विचार मिल्नेसँग एकताका लागि पहल सुरु गरिएको तर, अहिलेको अवस्थामा एमालेसँग भने एकता नहुने बताएका हुन् ।
पार्टी एकताका लागि जसपा लगाएतका दलसँग छलफल भइरहेको उनले जानकारी दिए ।
यस्तै, समय आएपछि सरकारका विषयमा आवश्यक निर्णय गर्ने पनि उनले बताए । उनले प्रधानमन्त्री प्रचण्डसँग पनि यस विषयमा कुराकानी भएको तर सरकारको कार्यक्रम कस्तो आउँछ भन्ने हेर्न बाँकी रहेको धारणा राखे ।
