काठमाडौं । उपप्रधान तथा भौतिक पूर्वाधार तथा यातायातमन्त्री नारायणकाजी श्रेष्ठले काठमाडौंभित्र सडकमा रहेका खाल्डाखुल्टी १५ दिनभित्र पुरिसक्न निर्देशन दिएका छन् ।
सितापाईलास्थित छाउनी सडकखण्डको अनुगमनमा पुगेका मन्त्री श्रेष्ठले सडक भएका खाल्डा १५ दिनभित्र पुर्न निर्देशन दिएका हुन् । उनले काठमाडौं महानगरका प्रमुख, उपत्यका विकास प्राधिरणसँग बैठक राखेर सडक व्यवस्थापनको बिषयमा छलफल गर्ने बताए । ‘एउटा मेसिनले एक ठाउँमा मात्रै काम गरेर हुँदैन २ वा ३ वटा प्रयोग गरेर १५ दिनभित्र हर हालतमा चाहिन्छ । हामी व्यवस्थापन गछौँ ।’ उनले भने ।
मन्त्री श्रेष्ठले जसरी पनि काम गर्ने नीतिलाई कार्यान्वय गरेर छाड्ने प्रतिबद्धता जनाए । सिस्टम बिग्रेको कारणले अहिलेसम्म काम नभएको र आफू पहिला गरेर मात्र पछि समीक्षा गर्ने बताए ।
