काठमाडौं । नेपालले आइसिसी टि२० विश्वकप ग्लोबल छनोट ए अन्तर्गत आज दोस्रो खेलमा फिलिपिन्सविरुद्ध २१८ रनको विजयी लक्ष्य दिएको छ । ओमान क्रिकेट एकेडेमी ग्राउन्ड–२ भएको खेलमा टस हारेर पहिले ब्याटिङ गरेको नेपालले २० ओभरमा ३ विकेटको क्षतिमा २१८ रन जोड्यो ।
नेपालका लागि कुशल भुर्तेलले शतकीय इनिङ्स खेले । उनले ६१ बलमा १०४ रनको योगदानी दिए । यस्तै, दिपेन्द्र सिंह ऐरीले ४७ बलमा ८३ रन जोडे।
कुशल मल्लले १० बलमा १२ रन जोड्दै पेभिलियन फर्किए । यस्तै, लोकेश बम ३ बलमा ६ रनसहित नटआउट रहे।
