काठमाडौँ । नेकपा (एकीकृत समाजवादी) को पोलिटब्यूरो बैठक सुरु भएको छ । पार्टी कार्यालय आलोकनगरमा सुरु भएको बैठकले मा नेकपा (माओवादी केन्द्र) का अध्यक्ष पुष्पकमल दाहाल प्रचण्ड नेतृत्वको सरकारका बारेमा धारणा बनाउने बताइएको छ ।
आइतबार बसेको पार्टी स्थायी कमिटीको बैकठले सरकारलाई समर्थन गर्ने वा नगर्ने भन्ने विषयमा धारणा बनाउन नसकेपछि पोलिटब्यूरो बैठक बोलाइएको हो । सरकारको समर्थनका विषयमा पार्टी अध्यक्ष माधवकुमार नेपाल र सम्मानित नेता झलनाथ खनाल सरकारबाट औपचारिक प्रस्ताव नआएका भन्दै समर्थनको पक्षमा देखिएका छैनन् ।
तर वरिष्ठ नेता मुकुन्द न्यौपानेसहितका नेताहरुले सरकारलाई समर्थन गर्नुपर्ने र नेकपा (एमाले)सँग एकता गर्नुपर्ने धारणा राखेका छन् ।
