काठमाडौं । नवनियुक्त प्रधानमन्त्री पुष्पकमल दाहाल प्रचण्डसँग तीन उपप्रधानमन्त्रीले शपथ लिने भएका छन् ।
नेकपा (एमाले)बाट विष्णु पौडेल, नेकपा (माओवादी केन्द्र)बाट नारायणकाजी श्रेष्ठ र राष्ट्रिय स्वतन्त्र पार्टी (रास्वपा)बाट रवि लामिछानेले उपप्रधानमन्त्रीको शपथ लिने निश्चित भएको हो ।
एमालेका पौडेल उपप्रधानमन्त्रीसहित अर्थमन्त्रालय पाउने टुंगो लागेको छ । रास्वपाका लामिछानेले गृह मन्त्रालयको दाबी गर्नुभएको बताइएको छ ।
माओवादीका वरिष्ठ उपाध्यक्षसमेत रहेका श्रेष्ठको भने मन्त्रालय टुंगिएको छैन । अहिले सातदलीय गठबन्धनमा मन्त्रालय भागबण्डाका लागि छलफल जारी छ ।
