काठमाडौँ । राष्ट्रिय स्वतन्त्र पार्टी (रास्वपा) ले गठबन्धन सरकारमा उपप्रधानमन्त्रीसहित गृह र भौतिक पूर्वाधार मन्त्रालयमा दाबी गरेको छ ।
पार्टी सभापति रवि लामिछानेले अहिले नयाँ बानेश्वरस्थित संघीय संसद् भवनमा बसिरहेको सत्ता गठबन्धनको बैठकमा उपप्रधानमन्त्रीसहित गृह र भौतिक पूर्वाधार मन्त्रालयमा दाबी गर्नुभएको छ ।
लामिछानेले सरकारमा सहभागी हुने मन्त्रीहरुको टुंगो लागेपछि मात्र पार्टीले नाम तय गर्ने जानकारी दिनुभएको छ । प्रतिनिधिसभामा २० सिटसहित चौथो ठूलो दल बनेको रास्वपा गठबन्धन सरकारमा तेस्रो ठूलो दल हो । उसले प्रधानमन्त्री पुष्पकमल दाहाल प्रचण्डलाई प्रधानमन्त्रीमा समर्थन गर्दै सरकारमा जाने निर्णय गरेको छ ।
