विराटनगर । प्रदेश नं १ मा नेकपा (एमाले)को संसदीय दलको नेतामा हिक्मतकुमार कार्की निर्विरोध निर्वाचित हुनुभएको छ । आइतबार बसेको संसदीय दलको बैठकले कार्कीलाई दलको नेतामा निर्विरोध चयन गरेको हो ।
कार्कीलाई प्रदेशसभा सदस्य तिलकुमार मेन्याङबो प्रस्तावक र रेवतीरमण भण्डारी समर्थक हुनुहुन्थ्यो । यसअघि मेन्याङबो पनि दलको नेता दावेदार हुनुहुन्थ्यो । पछि उहाँले दलको नेतामा कार्कीलाई प्रस्ताव गर्नुभएको हो । कार्की झापा निर्वाचन क्षेत्र नं ५(१) बाट दोस्रोपटक निर्वाचित हुनुभएको हो ।
