काठमाडौँ । बगबन्धु एशियन यु–२३ सेन्ट्रल एशियन जोन अन्तर्राष्ट्रिय पुरुष भलिबल च्याम्पियनसिपको पहिलो सेमिफाइनलमा नेपालले आज आयोजक बंगलादेशसँग प्रतिष्पर्धा गर्दैछ ।
ढाकामा हुने नेपाल र बंगलादेशबीचको पहिलो सेमिफाइनल खेल दिउँसो २ः४५ बजे शुरु हुनेछ । नेपाल र बंगलादेश एकअर्कालाई हराएर फाइनल पुग्ने योजनामा छन् ।
बंगलादेश लिग चरणमा शीर्ष स्थानमा रहँदै सेमिफाइनल पुगेको हो । बंगलादेशले लिग चरणको तीन खेलमै जित निकालेको थियो । नेपालले भने तीन खेलमै हार व्यहोरेको थियो ।
तर, प्रतियोगितामा चार टोलीको सहभागिता भएकाले चारै टोलीले सेमिफाइनलमा स्थान बनाएका हुन् । लिग चरणको पहिलो खेलमा बंगलादेशले नेपाललाई ३–० को सोझो सेटमा हराएको थियो ।
