काठमाडौँ । नेकपा (एमाले) का अध्यक्ष केपी शर्मा ओलीले अहिलेसम्म कसको नेतृत्वमा र कस्तो सरकार बन्ने भन्ने अन्योल रहेको बताउनुभएको छ ।
एमालेबाट निर्वाचित प्रतिनिधिसभा सदस्यहरुलाई बधाई दिन मंगलबार काठमाडौमा आयोजित कार्यक्रममा उहाँले अहिले गठबन्धनले मात्र सरकार बनाउन सक्ने अवस्था नरहेको बताउनुभयो ।
हिजो चार वटा राष्ट्रिय पार्टी रहेको अवस्थाबाट अहिले त्यो संख्या ७ पुगिसकेको भन्दै उहाँले भन्नुभयो, “सरकार गठन कस्तो हुन्छ भन्नेबारे अहिले कसैले पनि बोल्न सक्ने अवस्था छैन ।”
अध्यक्ष ओलीले अहिलेको गठबन्धन कुनै उद्देश्यले नभई स्वार्थ, लेनदेन र सेटिङमा रहेको भन्दै यस्तो हिसाबले सरकार गठन गर्ने पक्षमा एमाले नरहेको बताउनुभयो ।
