काठमाडौँ । काठमाडौँ महानगरपालिकाले डोटीका भूकम्प पीडितलाई आर्थिक सहयोग प्रदान गरेको छ ।
महानगरले विपद व्यवस्थापन अन्तर्गतको बजेटबाट १० लाख रुपैयाँ सहयोग गरेको हो ।
कात्तिक २३ गते गएको भूकम्पले त्रिपालमा रात काट्न बाध्य भएपछि सहयोग माग्दै पीडितहरूले महानगरपालिकाका प्रमुख बालेन शाहसँग भेट गरेका थिए । यसरी पीडितहरू भेट्न आएपछि महानगरले आर्थिक सहयोग गरेको हो ।
मेयर शाहले भने – ‘महानगरको विपद व्यवस्थापन अन्तर्गतको बजेटबाट १० लाख रुपैयाँ सहयोग गाउँपालिकालाई गरेका थियौं । यो भन्दा धेरै गर्न हाम्रा आफ्नै सीमाहरू छन्,’
डोटीमा कात्तिक २३ गते गएको ६.६ रेक्टर स्केलको भूकम्पले ३८ सय घर–टहरा भत्काएको थियो ।
