काठमाडौं । रुपन्देही–३ बाट प्रतिनिधिसभा सदस्यमा बिजयी भएका राष्ट्रिय प्रजातन्त्र पार्टी (राप्रपा) का दीपक बोहोरा निर्वाचन अबधिभर मौन रहे ।
उनले कतै पनि भाषण गरेनन् । शुभेच्छुक र मतदातालाई नमस्कार मात्र गरे । गृहमन्त्री समेत रहेका र केन्द्रमा पाँचदलको तथा रुपन्देहीमा ६ दलको समर्थनमा उम्मेदबार बन्नुभएका नेपाली कांग्रेसका नेता बालकृष्ण खाँडको प्रचार शैली निकै आक्रमक नै थियो । ठुला देखी कोणशभा सम्म । मोटर देखी मोटरसाईकलमा माईक राखेर प्रचार गरिएको थियो ।
तर बोहोरा भने मौन थिए । मतदातालाई हात मात्र जोडेका हुन्थे । कहि कतै बोल्नु परे उनका तर्फबाट राप्रपा नेता निरञ्जन थापा, राप्रपाका जिल्ला अध्यक्ष प्रदीप उदय, सागरप्रताप राणा, युवराज घिमिरे लगायतले सम्बोधन गर्दथे ।
पोस्ट कोभिडका कारण घाटिमा समस्या देखिएपछि उनी चिकित्सकको सल्लाहमा ‘भ्वाइस रेस्ट’ मा बसेका छन् । यस बिचमा उनि उपचारका लागि कहिले भारत त कहिले अमेरिका पुगे । अझै केही समय उनि भ्वाइस रेस्ट’मा नै बस्नु पर्ने सल्लाह चिकित्सकहरुले दिएका छन् ।
बोहोराले २६ सय ४२ मतको अन्तरमा गृहमन्त्री खाँणलाई पराजित गरे । बोहोराले ३६ हजार ६४८ मत प्राप्त गरे भने खाँणले ३४ हजार ६ मत पाए।
