काठमाडौँ । डोटीमा भूकम्पले घर भत्किँदा मृत्यु हुनेको संख्या ६ पुगेको छ ।
बिहान २ बजेर १२ मिनेटमा गएको भूकम्पले पूर्वीचौकी गाउँपालिका–३ को गैरा गाउँमा उक्त घटना घटेको हो ।
भूकम्पबाट एक दर्जनभन्दा बढी घाइते रहेको तथा केहीको अवस्था गम्भीर रहेको बताइएको छ ।
२ बजेर १२ मिनेट जाँदा खप्तड राष्ट्रिय निकुञ्ज केन्द्रबिन्दु बनाएर ६.६ रेक्टरको भूकम्प गएको हो । पश्चिम नेपालका अधिकांश ठाउँमा भूकम्पको धक्का महसुस गरिएको थियो ।
गैरागाउँमा करिब १० घर भत्किएको र पटकपटक पराकम्प गएपछि स्थानीय त्रसित छन् । उनीहरू चिसोमा खुला आकाशमुनि रात बिताउन बाध्य छन् ।
