काठमाडौँ । राष्ट्रिय प्रजातन्त्र पार्टी (राप्रपा) ले आसन्न प्रतिनिधिसभा र प्रदेशसभा निर्वाचनका लागि सोमबार जारी गरेको घोषणापत्रमा प्रत्यक्ष कार्यकारी प्रधानमन्त्रीको एजेन्ड अगाडि सारेको छ ।
पावरप्वाइन्ट भर्सनमा बुँदागत टिपोट गरी जारी गरिएको घोषणापत्रमा राप्रपाले राष्ट्रपति हटाएर अभिभावकीय भूमिकामा राजसंस्था राख्नुपर्ने प्रस्ताव गरेको छ ।
जनताबाट प्रत्यक्ष निर्वाचित कार्यकारी प्रधानमन्त्री हुनुपर्ने उल्लेख गर्दै सो पार्टीले संसद् पूर्ण समानुपातिक हुनुपर्ने र प्रदेशलाई खारेज गर्नुपर्ने प्रस्ताव गरेको छ । केन्द्र र बलियो स्थानीय तह भएको दुई तहको शासकीय स्वरुप हुनुपर्ने तथा एक व्यक्तिले दुई कार्यकालभन्दा धेरै पार्टी अध्यक्ष, प्रधानमन्त्री जस्ता कार्यकारी पदमा बस्न नपाउने उल्लेख गरेको छ ।
राप्रपाको घोषणापत्र बुँदागत रुपमा यस्तो छ :
– प्रदेश संरचना खारेज, केन्द्र र बलियो स्थानीय तह
– अभिभावक भूमिकामा राजा, पूर्ण समानुपातिक संसद्
– वैदिक सनातन धर्मसापेक्ष हिन्दू राष्ट्र स्थापना
– प्रधानमन्त्री र पार्टी अध्यक्ष दुई कार्यकाल मात्र
– २०४६ पछिका नेता, कर्मचारीको सम्पत्ति छानबिन
– राजा वीरेन्द्रको शान्तिक्षेत्र प्रस्तावलाई पुनर्जीवन
– बूढानीलकण्ठ स्कुललाई सातै प्रदेशमा विस्तार
– कक्षा १२ सम्म पूर्ण निःशुल्क, मातृभाषामा शिक्षा
– प्रत्येक युवतीलाई पाठेघर क्यान्सरविरुद्धको खोप
– किसानको खेतमा बिजुली, सामूहिक खेतीलाई अनुदान
– नेपाल बन्द जस्ता कार्यक्रम कहिल्यै नगर्ने प्रतिबद्धता
– पृथ्वी जयन्ती (राष्ट्रिय एकता दिवस) सार्वजनिक बिदा
– योजनाबद्ध धर्म परिवर्तन नियन्त्रण, मस्जिद मन्दिर संरक्षण
– २०८७ सम्म मध्यम आयस्तरको मुलुक बनाउने
[pdf-embedder url=”https://newspolar.com/wp-content/uploads/2022/10/rpp-manifesto.pdf” title=”rpp manifesto”]
