काठमाडौं । निर्वाचन आयोगले रौटहट- १ का उम्मेदवार नेकपा एकीकृत समाजवादीका अध्यक्ष माधवकुमार नेपाललाई निर्वाचन प्रभाव पार्ने कसूर गरेको भन्दै कारबाही प्रक्रिया अघि बढाएको छ ।
आयोगले निर्वाचन कसुर तथा सजाय ऐन २०७३ को दफा ३९ अनुसार कारवाही प्रक्रिया अघि बढाउन जिल्ला प्रहरी कार्यालय रौतहटलाई निर्देशन दिएको हो । नेता नेपालले रौतहटमा आयोजित एक कार्यक्रममा आफूले निर्वाचन जिते देश बाहिर युवालाई बिना पौसा रोजगारीको अवसर दिने आश्वासन दिनुभएको थियो ।
नेता नेपालले ‘बिना ढेउवा के भिसा मिल्ते है, टिकट मिल्ते है, काठमाडौंमे तालिम मिल्ते है ‘भनी मतदातालाई प्रभाबित पार्ने अभिव्यक्ति दिनु भएको थियो ।
आयोगले नेपाललाई २४ घण्टाभित्र आफैं उपस्थित भएर वा आफ्ना प्रतिनिधिमार्फत लिखित रुपमा स्पष्टीकरण पेस गर्न निर्देशन दिएको हो ।
