काठमाडौं । नेकपा (एकीकृत समाजवादी) निकट विद्यार्थी संगठनका अध्यक्ष सुदेश पराजुलीले निर्वाचन सहकार्यमा कांग्रेसले बेइमानगरेको जनाउनुभएको छ ।
सामाजिक सञ्जालमा पराजुलीले लेख्नुभएको छ, “सत्ता गठबन्धनमा सबैभन्दा बढी जिम्मेवारी, इमान्दारी र गठबन्धनको संस्कार र संस्कृति नेपाली कांग्रेसमा हुनुपर्दछ तर हिजो भएको उम्मेदवारी दर्तासम्म त्यो सहकार्यको बेइमान रुप नेपाली कांग्रेसमा देखियो, अझै समय छ बेलैमा सोच्नु नै नेपाली कांग्रेसका लागि हितकर छ ।”
पराजुलीले लेख्नुभएको छ –
ठूलो पार्टी र दल हुँ भन्नेले ठूलै इमान्दारीता, फराकिलो मान्यता, दृष्टिकोण र सहज सहकार्यको अनुभूति दिलाउन सक्नुपर्छ । सत्ता गठबन्धनमा सबैभन्दा बढी जिम्मावारी, इमान्दारी र गठबन्धनको संस्कार, संस्कृति नेपाली कांग्रेसमा हुनुपर्दछ तर हिजो भएको उम्मेदवारी दर्तासम्म त्यो सहकार्यको बेइमान रुप नेपाली कांग्रेसमा देखियो, अझै समय छ बेलैमा सोच्नु नै नेपाली कांग्रेसका लागि हितकर छ ।
कुनै दल ठूलो हुनु सानो हुनु यो नियमित प्रकिया जस्तै हो । अघिल्लो चुनावको नजिरलाई हेर्दा पनि हुन्छ । दम्भ, अंहकार रघमण्डले नै समाप्तीको दिशातिर लैजान्छ । वास्तविक धरातलको सम्मानका साथ सत्ता गठबन्धनलाई अघि बढौँ, सबैलाई चेतना भया । राजनीतिक स्थिरता नेपाली राजनीतिको अपरिहार्यता हो ।
