काठमाडौँ । नागरिकताविहीन संघर्ष समिति नेपालले नागरिकता विधेयक, २०७९ प्रमाणीकरणका लागि माइतीघरमा धर्ना दिएको छ ।
धर्नामा सहभागीहरुले बुबाआमा दुवै नेपाली दुवै नेपाली नागरिकका सन्तान अनागरिक कहिलेसम्म र नेपाली आमाको सन्तान अनागरिक कहिलेसम्म भन्दै धर्ना दिएका हुन् ।
समितिले नागरिकता विधेयक, २०७९ शीघ्र राष्ट्रपतिबाट प्रमाणीकरण हुनुपर्ने माग राखेका छन् ।
नागरिकता विधेयक दोस्रोपटक प्रमाणीकरणका लागि अहिले राष्ट्रपतिकहाँ पुगेको छ । दोस्रोपटक प्रमाणीकरणका लागि पुगेको विधेयक राष्ट्रपतिले प्रमाणीकरण गर्नुपर्ने बाध्यात्मक संवैधानिक व्यवस्था छ ।
