काठमाडौँ । त्रिभुवन अन्तर्राष्ट्रिय विमानस्थलको बिशिष्ट कक्षबाट भगाईएका ठगी आरोपमा फरार रिजवान आलमलाई प्रहरीले पक्राउ गरेको छ ।
शुक्रबार दिउसो फ्लाई दुबईको विमानबाट काठमाडौ आएका आलामलाई काठमाडौं उपत्यका अपराध अनुसन्धान कार्यालयको टोलीले शुक्रबार राति १० बजे मेरियट होटेलबाट पक्राउ गरेको हो ।
यूएईबाट फ्लाई दुबईको विमानबाट शुक्रबार बिहान काठमाडौ आएका आलमलाई विमानस्थलबाट होटेलसम्म मुस्लिम आयोगका अध्यक्ष समिम मियाँ अन्सारीेको गाडीले पुर्योएको प्रहरीले जनाएको छ ।
यूएई संसद्का उपाध्यक्ष मोहम्मद अहमद अल यामाहीको टोलीलाई होटल लैजाने क्रममा आलमलाई पनि सगै लगिएको प्रहरी स्रोतले जानकारी दियो । आलमलाई प्रहरीले विमानस्थल अध्यागमन कार्यालयलाई बुझाएको छ ।
आलम ठगीको कसुरमा प्रहरीको फरार सूची एवं अध्यागमनको कालोसूचीमा परेका व्यक्ति हुन् ।
