काठमाडौँ । प्रहरीले नयाँ बानेश्वरस्थित नोबेल एकेडेमीका एक शिक्षकलाई पक्राउ गरेको छ । आफ्नै कलेजकी एक छात्रामाथि यौन दुर्व्यवहार गरेको आरोपमा उनलाई पक्राउ गरिएको हो ।
कक्षा १२ का विद्यार्थीहरुले ती छात्रामाथि दुर्व्यवहार गरिएको भन्दै आज बिहानै देखि नाराबाजी गरेका छन् । उनीहरुले आरोपित शिक्षकलाई कारबाही गर्न माग गरेका छन् ।
विद्यार्थीहरुको नाराबाजीसँगै आन्दोलनपछि प्रहरीले आरोपित शिक्षकलाई नियन्त्रणमा लिएको छ । पक्राउ पर्ने अंग्रेजी विषय पढाउने ३९ वर्षीय सरोज भट्टराई रहेको प्रहरीले जनाएको छ । अहिले प्रहरीले उनलाई पक्राउ गरेर अनुसन्धान गरिरहेको छ ।
प्रहरीका अनुसार ती शिक्षकमाथि च्याटमा विद्यार्थीसँग दुर्व्यवहार गरेको आरोप लागेको छ ।
