काठमाडौं । त्रिभुवन अन्तर्राष्ट्रिय विमानस्थलबाट अवैध रूपमा एक किलोग्राम सुन नेपाल भित्रिदै गरेको अबस्थामा एक भारतीय नागरिकलाई प्रहरीले पक्राउ गरेको छ ।
शनिबार त्रिभुवन अन्तर्राष्ट्रिय विमानस्थलको आगमन गेटबाट भारतीय नागरिक राहादानी नम्बर भी११२२८९० वाहक ३१ वर्षीय राहुल रेमानानलाई प्रहरीले पक्राउ गरेको हो ।
दुबईबाट काठमाडौं आएका राहुललाई शंका लागि प्रहरीले नियन्त्रणमा लिएर काठमाडौं मेडिकल कलेजमा एक्स–रे गराउँदा पेटभित्र शंकास्पद वस्तु देखिएको थियो ।
राहुलको मलद्वारबाट अर्धठोस वस्तुको ४ वटा पोका (सुन) फेला परेको प्रहरी वृत्त गौशालाले जानकारी दिएको छ ।
प्रहरीले यस सम्बन्धमा थप अनुसन्धान गरिरहेको छ ।
