काठमाडौँ । धरान उपमहानगरपालिकाका प्रमुख हर्क साम्पाङ अहिले काठमाडौँमा छन् । उनी आइतबार बिहान काठमाडौँ आइपुगेका हुन् ।
काठमाडौँ आएका उनले महावीर पुनले नेतृत्व गरेको कीर्तिपुरस्थित आविष्कार केन्द्र पुगेर अवलोकन गरेका छन् । उनले धरानमा पनि आष्किार केन्द्र खोल्ने चाहना राखेका छन् ।
आफ्नो पालिकाको विकाससम्बन्धी योजनाहरु लिएर काठमाडौँ आएका साम्पाङले यहाँ संघीय सरकारका मन्त्री तथा प्रमुख राजनीतिक दलका शीर्ष नेताहरुलाई भेटिरहेका छन् ।
यद्यपि धरानभन्दा काठमाडौँको दुर्दशा देखेर उनले सामाजिक सञ्जालमा काठमाडौँमा श्रमदान गर्न मन लागेको बताएका थिए । उनले लेखेका थिए, “काठमाडौँका चिल्ला र फराकिला सडक किनारामा फोहोरको डंगुर देख्दा त खाल्डा खुल्डी बाटो भए पनि धरानै सफा लागो । प्रधानमन्त्री र मन्त्रीहरू बस्ने शहरको यो बिजोग देख्दा श्रमदान गर्न मन लाग्यो ।”
