काठमाडौँ । रुपन्देहीको बुटवलस्थित एक होटलमा महिला र पुरूष मृत फेला परेका छन् ।
बुटवलको तिनाउ पुल नजिकै फूलबारी चोकमा रहेको स्याङजा कारीकोटे होटलमा बास बसेका धादिङको कुम्पुर घर भएका अन्दाजी ३५ र ३६ वर्ष उमेरका सिताराम भुजेल र दाङ घर भएकी अन्दाजी ३३ वर्षकी पुष्पा मृत फेला परेका हुन् ।
सो होटलको कोठा नं. १३४ मा उनीहरु आइतबार राति सँगै बसेका थिए । प्रहरीका अनुसार सोमबार बिहान कोठामा जाँदा महिला पलङमा उत्तानो परेको अवस्थामा र पुरूष कोठाको पंखामा झुण्डिएको अवस्थामा दुवै जना मृत फेला परेका थिए ।
महिलाको थर र घरको पूरा ठेगाना खुल्न सकेको छैन । दुवै जनाको शव पोष्टमार्टमका लागि लुम्बिनी प्रादेशिक अस्पतालमा पठाइएको र रिपोर्ट आउन बाँकी रहेको र घटनाबारे प्रहरीले अनुसन्धान गरिरहेको जनाइएको छ ।
