काठमाडौं । बेलायत पठाइदिन्छु भनेर ५ जनासँग १५ लाख रुपैयाँ ठगी गरेको आरोपमा प्रहरीले एक जनालाई पक्राउ गरेको छ ।
सिजनल भिसामा बेलायत पठाइदिन्छु भन्दै ३/३ लाख रुपैयाँका दरले रकम लिएर फरार रहेका इलाम नगरपालिका–१ का प्रकाश राईलाई अपराध अनुसन्धान कार्यालयले आइतबार सिनामंगलबाट पक्राउ गरेको हो ।
राईले बेलायत जान एक जनाको ९ लाख रुपैयाँ लाग्ने र त्यहाँ मासिक ४ लाख रुपैयाँ तलबमा काम गर्न पाइने भन्दै रकम असुलेर फरार भएको अनुसन्धान कार्यालयले जनाएको छ ।
