काठमाडौँ । सुनसरीको धरान उपमहानगरपालिकाका प्रमुख हर्क साम्पाङले राजधानीको विभिन्न ठाउँमा थुप्रिएको फोहोर देख्दा श्रमदान गर्न इच्छा लागेको बताएका छन् ।
उनले काठमाडौँको सडक किनारमा थुप्रिएको फोहोर देखेर खाल्डाखुल्डी बाटो भए पनि धरानै सफा भएको समेत प्रतिक्रिया दिएका छन् ।
धरानको विकाससँग सम्बन्धी काम लिएर काठमाडौं आएका मेयर साम्पाङले फेसबुकमा लेखेका छन् ‘काठमाडौँको चिल्ला र फराकिला सडक किनारामा फोहोरको डँगुर देख्दा त खाल्डा खुल्डी बाटो भए पनि धरानै सफा लागो ! प्रधानमन्त्री र मन्त्रीहरु बस्ने शहरको यो विजोग देख्दा श्रमदान गर्न मन लाग्यो !’
